CA Sri Lanka

අධ්‍යාපන අංශයේ ක්‍රියාකාරකම්

• විෂයමාලා සංවර්ධනය
• වරලත් ගණකාධිකාරී අධ්‍යයන වැඩසටහන් අඛණ්ඩව දියුණු කිරීම.
• සියළු මට්ටම්වල වැඩසටහන් සඳහා අධ්‍යයන ප්‍රකාශන (Study Pack) ලියා ප්‍රකාශයට පත් කිරීම
• ශිෂ්‍ය ශිෂ්‍යාවන් සඳහා සම්මන්ත්‍රණ සහ වැඩමුළු සංවිධානය කිරීම.
• ගුරු පුහුණු වැඩසටහන් පැවැත්වීම.
• විෂය නිදහස් කිරීම් පිළිබඳ (exemptions) සමාලෝචනය කිරීම.
• ශිෂ්‍ය ශිෂ්‍යාවන් සඳහා වෘත්තීය මාර්ගෝපදේශන සහ උපදේශන වැඩසටහන් පැවැත්වීම.
• විද්‍යුත් ලිපි හුවමාරු පාඨමාලාව සම්බන්ධීකරණය (E-corres pondence course)

වරලත් ගණකාධිකාරී අධ්‍යයන වැඩසටහන්

වරලත් ගණකාධිකාරී අධ්‍යයන වැඩසටහන් පහත සඳහන් අයිතමයන්ගෙන් සමන්විත වේ.

1. අධ්‍යයන ප්‍රකාශන (Study Packs) : සෑම මට්ටමක් සඳහාම අධ්‍යාපන අංශය විසින් අධ්‍යයන ප්‍රකාශන ප්‍රකාශයට පත් කරන අතර, විභාගවලට පෙනී සිටීම සඳහා ප්‍රකාශන මිලට ගැනීම අනිවාර්ය වේ.
2. විද්‍යුත් ලිපි හුවමාරු පාඨමාලාව (E-corres pondence course) විෂය මාලාව සහ අධ්‍යයන ප්‍රකාශන පදනම් කරගත් විද්‍යුත් ලිපි හුවමාරු පාඨමාලාව සම්පූර්ණ කිරීම උපයාමාර්ගික මට්ටමේ ශිෂ්‍ය ශිෂ්‍යාවන් විසින් ඉටු කරනු ඇතැයි අපේක්ෂිත ය. මෙම ස්වයං අධ්‍යයන පාඨමාලාව විභාගයකට පෙනී සිටීමට පෙර සම්පූර්ණ කළ යුතු තවත් අවශ්‍යතාවකි. ප්‍රථමවරට ‍ කිසියම් විෂයකට විභාගයට පෙනී සිටින ශිෂ්‍යයෙකු හෝ 6 වන වතාවට විභාගයට පෙනී සිටින ශිෂ්‍යයකු මෙම නියමයට අනුකූල විය යුතුය.
3. පන්ති කාමර දේශන : පෞද්ගලික අධ්‍යාපන ආයතනවල පැවැත්වෙන පන්ති කාමර දේශනවලට සහභාගී වීමට ශිෂ්‍ය ශිෂ්‍යාවන් දිරිමත් කරනු ලැබේ. කෙසේ වුව ද, මෙය අනිවාර්ය අවශ්‍යතාවක් නොවේ. ශිෂ්‍ය ශිෂ්‍යාවන්ට විභාගවලට සූදානම් වීම සඳහා ස්වයං අධ්‍යයන ක්‍රමය තෝරා ගැනීමට පුළුවන.
4. බහු මාධ්‍ය ඉගෙනුම් මාර්ගෝපදේශ (MMLG) CAB 1 මට්ටම සඳහා ලබාගත හැකිය. උපායමාර්ගික මට්ටම සඳහා ද එබඳු බහු මාධ්‍ය ඉගෙනුම් මාර්ගෝපදේශ සම්පාදනය කිරීම වෙත අධ්‍යාපන අංශයේ අවධානය යොමු වී ඇත.
5. අධ්‍යාපන අංශය වරලත් ගණකාධීකාර ශිෂ්‍ය ශිෂ්‍යාවන් සඳහා සම්මන්ත්‍රණ සහ වැඩමුළු පවත්වයි. මෙම සම්මන්ත්‍රණවලට පදනම් වන්නේ විභාගවලට සූදානම් වීමේ අවශ්‍යතාවයි. එමගින් විෂය පථයෙහි ඇති වී තිබෙන අළුත්ම වෙනස්කම් ආවරණය කරනු ලැබේ. තව ද, සිද්ධි අධ්‍යයන වැඩමුළු ආදිය සංවිධානය කරනු ලැබේ. මෙම සම්මන්ත්‍රණ හා වැඩමුළුවලට සහභාගී වන ලෙස ශිෂ්‍ය ශිෂ්‍යාවන්ට අනුබල දෙනු ලැබේ.

අධ්‍යයන පැකේජ සහ මිල ගණන්